İnaNilmaZ Faktlar

men bunu oxuyanda şoka düşdüm güey size nolacaq

Bəzən sirli, mistik təsadüflər insanı sarsıdır. İnsan heç nəyin təsadüfi olmadığı, hər şeyin əvvəlcədən planlaşdırıldığı dünyada yaşadığını düşünməyə başlayır. Bizim həyatımızı əhatə edən rəqəmlərə diqqət yetirdikdə görmək olar ki, biz taleyin labirintləri üzrə hərəkət edirik.

Napoleon-Hitler

Napoleon 1760-cı ildə, Hitler 1889-cu ildə doğulub. Fərq 129 ildir. Napoleon hakimiyyətə 1804-cü ildə, Hitler 1933-cü ildə gəlib (fərq 129 il). Napoleon Vyanaya 1812-ci ildə, Hitler 1941-ci ildə girib (fərq 129 il). Napoleon müharibəni 1816-cı ildə, Hitler 1945-ci ildə uduzub (fərq 129 il).

Hər ikisi hakimiyyətə 44 yaşları olanda gəliblər. Hər ikisi Rusiyaya 52 yaşları olanda hücum ediblər. Hər ikisi müharibəni 56 yaşları olanda uduzublar.

Linkoln-Kennedi

Linkoln 1818-ci ildə, Kennedi 1918-ci ildə doğulub. Fərq 100 ildir. Linkoln 1860-cı ildə, Kennedi 1960-cı ildə ABŞ prezidenti seçiliblər (fərq 100 il). Hər ikisi cümə günü həyat yoldaşlarının yanında başlarından vurulan güllə ilə öldürülüblər. Linkoln “Kennedi” teatrında, Kennedi “Linkoln” avtomobilində qətlə yetiriliblər.

Ölümündən əvvəl Linkoln Merilenddəki Monro şəhərində olub. Kennedi isə ölümündən əvvəl Merilin Monro ilə eşq macərası yaşayıb.

Onların hər ikisi demokrat və cənublu olublar. Hər ikisi prezidentlikdən əvvəl senator seçiliblər.

Linkolnu güllələyən Con Uilks But 1839-cu ildə, Kennedini öldürən Li Harvi Osvald 1939-cu ildə dünyaya gəliblər (fərq 100 il). Hər iki qatilin ingilis əlifbası ilə yazılışda adı 15 hərfdən ibarətdir. But teatrdan qaçaraq çardaqda yaxalanıb. Osvald çardaqdan qaçaraq teatrda tutulub.

Linkolnun ölümündən sonra onu Conson əvəz edib. Kennedi qətlə yetiriləndən sonra onu Conson əvəz edib. Birinci - Endryu Conson 1808-ci ildə, ikinci - Lindon Conson - 1908-ci ildə doğulublar (fərq 100 il).

Bəziləri bu maraqlı təsadüfləri özünəməxsus şərh edirlər. Məsələn, onların fikrincə, hər 129 ildən bir yeni “bəşəri cani”nin doğulduğu il olmalıdır. Sonuncu “bəşəri qatil” sayılan Hitler 1889-cu ildə doğulduğundan növbəti “bəşəri qatil”in 2018-ci ildə dünyaya gələcəyi proqnozlaşdırılır. Lakin ən maraqlısı odur ki, xilaskar prezident də həmin il doğulmalıdır. Çünki Kennedi 1918-ci ildə doğulub və bu rəqəmin üzərinə 100 gələndə 2018-ci il alınır. İnsan taleyinin rəqəmlərlə bağlı olduğunu iddia edənlər vurğulayırlar ki, gələcək xilaskar hakimiyyətə 2060-cı ildə yiyələnəcək. 2062-ci il isə “bəşəri qatil”in ili olacaq. Dünyanı gözləyən ən təlatümlü hadisələrin də bundan sonra baş verəcəyi iddia olunur...

Riçard Parker


Lakin təsadüflər bununla bitmir. Bir zamanlar “uçan sehrli xalçalar”dan yazan yazıçılar indi də gələcəkdə olacaq hadisələri xəbər verirlər. Məsələn, amerikalı yazıçı Edqar Po 1838-ci ildə “Artur Qordon Pimin macəraları barədə povest” əsərini yazıb. Həmin povestdə gəmi qəzasına uğrayan dörd nəfərin açıq dənizdə qayıqda üzdükləri təsvir edilir. Aclıq üstün gələndən sonra onlardan üçü dördüncü yoldaşlarını öldürərək yeyirlər. Kitabda öldürülən şəxsin adı Riçard Parker olur. Təsadüf elə gətirir ki, 1884-cü ildə “Maqnonett” gəmisinin qəzaya uğraması nəticəsində dörd nəfər qayıqda açıq dənizdə üzür. Onlar Edqar Ponun qəhrəmanları kimi aclıqdan əziyyət çəkərək yoldaşlarından birini öldürüb yeyirlər. Öldürülən şəxsin adı Riçard Parker olur...

“Titanik”, yoxsa “Titan”?

Daha bir maraqlı fakt. “Titanik”in 1912-ci ildəki faciəsi hamıya bəllidir. Lakin çoxları bilmir ki, “Mensfild” nəşriyyatı 1898-ci ildə tanınmayan yazıçı Morqan Robertsonun ciddi maraq doğurmayan “Faydasızlıq” romanını buraxıb. Romandakı hadisələr “Titan” gəmisində cərəyan edir. Gəminin aşağıdakı xarakteristikaları olub: uzunluğu 243 metr, su tutumu 70 min ton, mühərrikin gücü 50 min at qüvvəsi, sürəti 25 dəniz mili, 4 borusu, 3 vinti... Gəmi soyuq aprel gecəsində aysberqlə toqquşaraq batır.

Üstündən 14 il keçəndən sonra ilk reysinə çıxan “Titanik”in aşağıdakı xarakteristikaları olub: uzunluğu 269 metr, su tutumu 66 min ton, gücü 55 min at qüvvəsi, sürəti 25 dəniz mili, 4 borusu, 3 vinti... “Titanik” soyuq aprel gecəsində aysberqlə toqquşaraq batıb.

Təsadüflər heyrətə gətirir. Yazıçı faciənin bütün təfərrüatlarını öncədən təsvir edib. Həm kitabdakı, həm də real həyatdakı gəminin batmasının mümkün olmadığı söylənirmiş. Həm romanda, həm də real həyatda insanların çoxu qayıq çatışmazlığı səbəbindən ölüb. Sərnişinlərin sayı isə hər iki halda 3 min nəfər olub. Məntiq baxımından belə təsadüfləri izah etmək mümkün deyil.